Fisfélagið Sléttan

1. júlí 2015

Allt sem getur flogið

 

Frétt frá  Flugmálafélag Íslands

Hið árlega flugmót Flugmálafélags Íslands verður haldið á Hellu næstu helgi dagana 3 - 6 júlí. Mótið ber yfirskriftina Allt sem getur flogið og má með sanni segja að það lýsi mótinu vel en þar koma saman öll flugsportin á einum stað. 

Allir flugáhugamenn og fjölskyldur þeirra eru velkomnir.

Svæðið opnar á föstudagsmorgun og eru fyrstu gestir vanir að mæta strax um hádegi á föstudag. Gestir hafa svo fram að miðnætti á sunnudag til þess að taka saman. Góð stemning er vegna mótsins og hefur mikill fjöldi boðað komu sína á facebook síðu flugmótsins.

Helstu atriði

• Ókeypis tjaldstæði.

• Rafmagn innan vallargirðingar fyrir fellihýsi o.fl.

• Ódýrt í grillveislu á laugardagskvöldið.

• Kynnisflug á flugvélum.

• Útsýnisflug.

• Fallhlífastökk með farþega.

• Karamellukast fyrir börn á öllum aldri.

• Sameiginlegt grill.

• Varðeldur og kvöldvaka.

Stjórn FMÍ hlakkar til að sjá sem flesta á Hellu!